شراب اور اسلحہ برآمدگی کیس میں عدالت نے وزیراعلیٰ خیبرپختونخوا امین گنڈاپور کے وارنٹ گرفتاری برقرار رکھے۔
شراب اور اسلحہ برآمدگی کیس میں جوڈیشل مجسٹریٹ اسلام آباد کے روبرو علی امین اور ان کے وکیل اس بار بھی پیش نہیں ہوئے۔ وزیراعلیٰ علی امین گنڈاپور کے خلاف تھانہ بھارہ کہو میں مقدمہ درج ہے۔
وزیراعلیٰ خیبرپختونخوا کے وارنٹ گرفتاری کے حوالے سے پولیس رپورٹ آج بھی جمع نہ کرائی جا سکی ۔ جوڈیشل مجسٹریٹ مبشرحسن نے علی امین گنڈاپور کے وارنٹ گرفتاری برقرار رکھتے ہوئے سماعت سات اپریل تک ملتوی کر دی۔
