ہریانہ میں بھارتی فضائیہ کا جیگوار طیارہ تربیتی پرواز کے دوران گر کر تباہ ہوگیا ہے پائلٹ بحفاظت باہر نکلنے میں کامیاب ہوگیا۔
بھارتی فضائیہ کے حکام کے مطابق طیارہ امبالہ ایئربیس سے معمول کی تربیتی پرواز پر روانہ ہوا تھا اور پنچکولا ہریانہ کے علاقے میں حادثے کا شکار ہوا ہے حادثے کی وجوہات جاننے کے لیے کورٹ آف انکوائری کا حکم دے دیا گیا ہے۔
بھارتی فضائیہ نے سوشل میڈیا پلیٹ فارم ایکس پر جاری بیان میں کہا کہ طیارے کو دوران پرواز تکنیکی خرابی کا سامنا کرنا پڑا ہے جس کے بعد پائلٹ نے طیارے کو آبادی سے دور لے جا کر ایجیکٹ کیا اور محفوظ طریقے سے زمین پر اتر گیا۔
