عالمی و مقامی مارکیٹوں میں جمعہ کو سونے کی قیمتوں میں ایک بار پھر اضافہ ہوگیا۔
آل پاکستان صراف اینڈ جیولرز ایسوسی ایشن کے مطابق پاکستان می 24 قیراط سونے کی فی تولہ قیمت 3 ہزار روپے اضافے سے ایک بار پھر 3 لاکھ 7 ہزار روپے پر پہنچ گئی۔
عالمی بلین مارکیٹ میں سونا 28 ڈالر کے اضافے سے 2921 ڈالر فی اونس کا ہوگیا۔
رپورٹ کے مطابق 10 گرام سونے کی قیمت 2 ہزار 571 روپے کے نمایاں اضافے سے 2 لاکھ 63 ہزار 203 روپے ہوگئی۔
یاد رہے کہ جمعرات کو سونے کی فی تولہ قیمت 3 ہزار روپے کی کمی سے 3 لاکھ 4 ہزار روپے ہوگئی تھی۔
دوسری جانب چاندی کی فی تولہ قیمت 31 روپے کے اضافے سے 3 ہزار 400 روپے ہوگئی۔
