کراچی کے صارفین کیلئے 3 روپے فی یونٹ جبکہ ملک کے دیگر صارفین کیلئے 2 روپے 12 پیسے فی یونٹ بجلی سستی کردی گئی۔
نیشنل الیکٹرک پاور ریگولیٹری اتھارٹی ( نیپرا ) کی جانب سے بجلی کی قیمت میں کمی کے الگ الگ نوٹیفکیشنز جاری کر دیئے گئے ہیں۔
نوٹیفکیشن کے مطابق بجلی کی قیمت میں کمی ماہانہ فیول پرائس ایڈجسٹمنٹ کی مد میں کی گئی ہے اور بجلی صارفین کو کمی کا ریلیف مارچ کے بلز میں ملے گا۔
نوٹیفکیشن کے مطابق کے الیکٹرک کیلئے بجلی دسمبر 2024ء کی ماہانہ ایڈجسٹمنٹ میں سستی کی گئی جبکہ باقی ملک کیلئے جنوری 2025ء کی ایڈجسٹمنٹ میں بجلی کی قیمت میں کمی کی گئی۔
