پاکستان کی مقامی مارکیٹ میں آج سونے کی قیمت میں بڑی کمی ریکارڈ کی گئی ہے ۔
تفصیلات کے مطابق مقامی صرافہ مارکیٹ میں فی تولہ سونا 500 روپے سستا ہونے کے بعد تین لاکھ روپے پر آ گیاہے جبکہ 10 گرام سونے کی قیمت میں 438 روپے کمی ہوئی اور قیمت 2 لاکھ 57 ہزار 201 روپے ہو گئی ہے ۔
10 گرام 22 قیرات سونے کی قیمت میں 33 روپے کمی ہوئی جس کے بعد قیمت 2 لاکھ 35 ہزار 776 روپے ہو گئی ۔
عالمی منڈی میں بھی سونے کی قیمت میں 6 ڈالر کی کمی ہوئی اور فی اونس سونے کی قیمت 2857 ڈالر پر آ گئی ہے ۔
مقامی مارکیٹ میں آج چاندی کی قیمت میں بھی 10 روپے فی تولہ کمی دیکھی گئی جس کے بعد چاندی 3240 روپے فی تولہ فروخت کی جارہی ہے ۔
یاد رہے کہ گزشتہ روز سونے کی قیمت میں 2500 روپے فی تولہ کمی ہوئی تھی جس کے بعد قیمت تین لاکھ 500 روپے پر آ گئی تھی ۔
