سپریم کورٹ کی جانب سے مقدمات کی جلد سماعت کے حوالے سے پالیسی تشکیل دے دی گئی۔
عدالت عظمیٰ کی پالیسی دستاویز کے مطابق ضمانت اور ضمانت قبل ازگرفتاری کے مقدمات کو جلد سنا جائے گا جبکہ تمام انتخابی عذرداریوں کو سماعت کیلئے جلد مقرر کیا جائے گا۔
پالیسی دستاویز کے مطابق مقدمات کی منتقلی اور فیملی مقدمات کو سماعت کیلئے جلد مقرر کیا جائے گا۔
دستاویز کے مطابق ایسے مقدمات میں جلد سماعت کیلئے درخواست دینے کی ضرورت نہیں ہوگی بلکہ جلد سماعت کی درخواست وکیل کی جانب سے تیار اور اے او آر کی جانب سے دائر ہوگی اور کسی مقدمہ میں جلد سماعت کی درخواست میں معقول وجہ کا ہونا لازمی ہوگا۔
درخواست کے ہمراہ مقدمہ میں فوری سماعت کی وجہ کا ثبوت لف کرنا بھی لازم ہوگا۔
جلد سماعت کی درخواست مسترد ہونے پر نئی وجہ کی بنیاد پر ہی دوبارہ دائر ہوسکے گی۔
