سماجی رابطے کے پلیٹ فارم ایکس کی جانب سے صارفین کے لئے ویڈیو اور آڈیو کالنگ کا فیچر متعارف کرا دیا گیا۔
ایکس کے مالک ایلون مسک کے مطابق سوشل میڈیا پلیٹ فارم جو پہلے ٹویٹر کے نام سے جانا جاتا تھا کچھ صارفین کے لیے ویڈیو اور آڈیو کالنگ کا ابتدائی ورژن شروع کر رہا ہے۔
جمعرات کو ایلون مسک نے ایکس پر ایک پوسٹ کی وضاحت کی جس میں صارفین کو ویڈیو اور آڈیو کالنگ کے ابتدائی ورژن سے متعلق فیچر فعال کرنے کی ہدایت کی گئی۔
Early version of video & audio calling on 𝕏 https://t.co/aFI3VujLMh
— Elon Musk (@elonmusk) October 25, 2023
ٹویٹر کا نام تبدیل کرنے کے بعد مسک نے اشارہ دیا تھا کہ کہ وہ پلیٹ فارم کو ایک سپر ایپ میں تبدیل کر دیں گے جس میں پیغام رسانی اور سوشل نیٹ ورکنگ جیسی سروسز فراہم کی جائیں گی۔
صارفین کو فیچر استعمال کرنے کے لئے سب سے پہلے ایپلی کیشن کی سیٹنگز میں جانا ہوگا اور وہاں آڈیو اور ویڈیو کالنگ سے متعلق فیچر کو ٹرن آن کرنا ہوگا۔
خیال رہے کہ آڈیو اور ویڈیو فیچر کن ممالک میں متعارف کرایا گیا ہے اس سے متعلق تفصیلات ابھی سامنے نہیں آسکیں۔
