امریکا، ملائشیا، موریطانیہ سمیت 9 ملکوں سے ایک دن میں مزید 47 پاکستانی شہریوں کو بے دخل کر دیا گیا۔
امیگریشن ذرائع کے مطابق انسانی اسمگلنگ کیلئے موریطانیہ میں موجود مزید 5 پاکستانی نوجوانوں کو ڈی پورٹ کیا گیا،جن میں دو ایمرجنسی پاسپورٹس پر پہنچے،انہیں حراست میں لے لیا گیا۔
ایف آئی اے امیگریشن نے کراچی ایئرپورٹ پر کارروائی کرتے ہوئے موریطانیہ سے کراچی پہنچنے والے 5 مسافروں کو حراست میں لے کر پوچھ گچھ شروع کر دی ہے۔
ایجنٹوں نے مسافروں سے 25 سے 35 لاکھ روپے فی کس کے عوض یورپ پہنچانے کے معاملات طے کیے تھے، ابتدائی تفتیش کے مطابق مسافر دبئی، سعودی عرب، قطر کے راستے موریطانیہ پہنچے تھے، تاہم موریطانیہ پہنچنے پر ایجنٹوں نے مسافروں کو غیر قانونی طور یورپ بھجوانے کی کوشش کی۔
مسافروں نے سمندر کے راستے غیر قانونی سفر کرنے سے انکار کر دیا اور واپس آ گئے۔ جن میں سے چھ کو کراچی میں حراست میں لے کرانسداد انسانی سمگلنگ سرکل منتقل کر دیا گیا۔
امریکہ میں پاسپورٹ گم کرنے پر ایمرجنسی دستاویزات پر ایک مسافر کو واپس بھیجا گیا۔ سعودیہ سے دو،بلیک لسٹ، منشیات کیسز کے ایک،پاسپورٹ گمشدگی پر تین افراد کو بھی ڈی پورٹ کیا گیا۔
