لیبیا کشتی حادثے کے 16 میں سے 7 جاں بحق افراد کی تصدیق ہوگئی۔
حادثے میں جاں بحق پاکستانیوں کا تعلق صوبہ خیبرپختونخوا سے ہے ۔ ایف آئی اے کے مطابق 6 افراد ضلع کُرم اور ایک کا تعلق باجوڑ سے ہے۔
وزیراعظم نے لیبیا کشتی حادثے اور پاکستانیوں کے جاں بحق ہونے پر اظہار افسوس کرتے ہوئے وزارت خارجہ حکام کو جاں بحق پاکستانیوں کی شناخت جلد مکمل کرنے کی ہدایت کردی۔ متعلقہ حکام سے المناک واقعے پر تفصیلی رپورٹ طلب بھی کرلی۔
شہبازشریف کی حادثے میں جاں بحق افراد کے لیے دعا مغفرت اور ورثا سے تعزیت ۔ متعلقہ اداروں سے کہا کہ متاثرہ افراد کو ہر ممکن امداد کی فراہمی یقینی بنائی جائے ۔ انسانی اسمگلنگ میں ملوث افراد کے خلاف سخت کارروائی ہو گی اور کسی بھی قسم کوئی کوتاہی برداشت نہیں کی جائے گی۔
