جسٹس یحییٰ آفریدی کے بطور چیف جسٹس پاکستان 100 دن مکمل ہونے پرکارکردگی رپورٹ جاری کردی گئی۔
پاکستان کا نظام عدل بہتری کی جانب گامزن ہیں اور چیف جسٹس یحییٰ آفریدی کے 100 روز میں بڑے اقدامات سامنے آئے ہیں جبکہ کارکردگی رپورٹ کے مطابق سپریم کورٹ میں زیر التوا 8 ہزار مقدمات نمٹائے گئے اور مقدمات کی جلد سماعت کا مکینزم وضع کرنے اور جیل ریفامرز کے آغاز سمیت کئی اصلاحات کی گئیں۔
رپورٹ کے مطابق سپریم کورٹ میں میرٹ پر تمام ہائی کورٹس سے 5 سینئر ججز نامزد کیے گئے اور تمام پانچ ہائی کورٹس میں 36 ایڈیشنل ججز کی تعیناتی ہوئی۔
سپریم کورٹ سے جاری اعلامیے کے مطابق عدالتی اصلاحات میں اسٹیک ہولڈرز کی شمولیت کے لیے ’’ آن لائن فیڈ بیک فار ‘‘ جاری کیا گیا، عدلیہ نے ٹیکس سے متعلق مقدمات کی جلد سماعت کے لیے ان کی درجہ بندی کا نظام متعارف کروایا ۔
ججز اور وکلا کی استعدادکار بڑھانے کیلئے تربیتی کورسز بھی کرائے جا رہے ہیں اور قلیل مدتی ، وسط مدتی اور طویل مدتی اہداف کے تحت عدالتی عمل مزید منظم کیا جا رہا ہے۔
