بھارتی کی مقامی عدالت نے فراڈ کیس میں بالی ووڈ اداکار سونو سود کے وارنٹ گرفتاری جاری کردیے۔
بھارتی میڈیا کے مطابق پنجاب کے شہر لدھیانہ کی عدالت نے مبینہ فراڈ کیس میں اداکار سونو سود کے وارنٹ گرفتاری جاری کیے ہیں۔
میڈیا رپورٹس میں بتایا گیا ہے کہ لدھیانہ سے تعلق رکھنے والے ایک وکیل راجیش کھنہ نے اداکار سونو سود کیخلاف 10 لاکھ روپے کے فراڈ کا مقدمہ دائر کیا اور الزام لگایا کہ مرکزی ملزم موہت شکلا نے اسے جعلی سرمایہ کاری کرنے کا لالچ دیا۔
عدالت نے سونو سود کو اس کیس میں گواہی کیلئے طلب کیا تھا لیکن اداکار عدالت میں پیش نہ ہوئے جس پر لدھیانہ کے جوڈیشل مجسٹریٹ نے اداکار کے وارنٹ جاری کردیئے۔
بھارتی میڈیا کا بتانا ہے کہ عدالت نے سونو سود کو گرفتار کرکے عدالت میں پیش کرنے کا حکم دیا ہے اور کیس کی مزید سماعت 10 فروری تک ملتوی کردی۔
