پاکستانی ڈرامہ انڈسٹری کی معروف جوڑی حقیقی زندگی میں بھی ایک ہوگئی، ماورا حسین اور امیر گیلانی رشتہ ازدواج میں منسلک ہوگئے، نکاح کی پہلی ویڈیو اور تصاویر منظرِ عام پر آگئی۔
معروف اداکارہ ماورا حسین اور اداکار امیر گیلانی کی جانب سے گزشتہ روز 5 فروری کو انسٹاگرام پر اپنی شادی کی تصاویر شیئر کی گئیں، دونوں نے فوٹو شوٹ شیئر کیا جو لاہور کے شاہی قلعہ میں ہوا۔
تصاویر کے کیپشن میں ماورا نے لکھا کہ ’’دنیا کی بھاگ دوڑ کے درمیان میں نے آپ کو پالیا‘‘، ساتھ ہی ماورا نے ’’ماورا امیر ہوگئی‘‘ کا ہیش ٹیگ استعمال کیا۔
View this post on Instagram
اداکار جوڑے نے شادی کی مزید تصاویر بھی جاری کیں، جس کے بعد مداحوں سمیت معروف اداکاروں کی جانب سے دونوں کو مبارکبادیں دینے کا سلسلہ شروع ہوگیا۔
تصاویر میں ماورا حسین کے ساتھ ان کے والدین، بہن عروہ، بہنوئی فرحان سعید بھی نظر آرہے ہیں۔
اب 6 فروری کی صبح فوٹو گرافر نے ماورا اور امیر کے نکاح کی مختصر ویڈیو جاری کی جس میں تقریب کی کچھ جھلکیاں دکھائی دیں۔
View this post on Instagram
اس کے علاوہ فوٹو گرافر نے ماورا اور امیر کے نکاح کے چھوہاروں کی تھیلی بھی اپنی اسٹوری پر شیئر کی جو سوشل میڈیا پر وائرل ہے۔
اس تھیلی پر نکاح مبارک کے ساتھ ماورا اور امیر کا نام اور نکاح کی تاریخ 5 فروری 2015 درج تھا، جبکہ نکاح کی ویڈیو میں امیر کی انٹری کے ساتھ ماورا کی والدین کے ہمراہ انٹری اور امیر کا ماورا کو انگوٹھی پہنانے کی جھلکیاں موجود تھیں۔
