وزیراعلیٰ پنجاب نے دیگر صوبوں کے طلبہ کیلئے ہونہار اسکالر شپ اسکیم کی منظوری دیدی، پنجاب میں طلبہ کیلئے لیپ ٹاپ کی تعداد بھی بڑھا کر ایک لاکھ 10 ہزار کردی گئی۔ مریم نواز نے ہونہار اسکالر شپ اور لیپ ٹاپ اسکیم کے طلبہ کیلئے خصوصی ہیلپ لائن قائم کرنے کی ہدایت کردی۔
وزیراعلیٰ پنجاب مریم نواز نے دیگر صوبوں کے طلبہ کیلئے ہونہار اسکالر شپ اسکیم کی منظوری دیدی، دیگر صوبوں کے طلبہ کیلئے بھی پنجاب کی طرح اہلیت کا یکساں معیار مقرر کردیا گیا۔
وزیراعلیٰ مریم نواز شریف نے پنجاب میں طلبہ کیلئے لیپ ٹاپ کی تعداد بڑھا کر ایک لاکھ 10 ہزار کر دی، پنجاب میں سیکنڈ ایئر، تھرڈ ایئر اور فورتھ ایئر کیلئے ہونہار اسکالر شپ کی باضابطہ منظوری دے دی۔
وزیراعلیٰ مریم نواز شریف نے ہونہار اسکالر شپ اور لیپ ٹاپ اسکیم کے طلبہ کیلئے خصوصی ہیلپ لائن قائم کرنے کی بھی ہدایت کردی۔
پنجاب میں طلبہ کیلئے لیپ ٹاپ حاصل کرنے کیلئے کم از کم 65 فیصد اہلیت مقرر ہے۔
وزیراعلیٰ پنجاب مریم نواز شریف کا کہنا ہے کہ ہونہار اسکالر شپ اور لیپ ٹاپ ہر بچے کا حق اور حکومت کی ذمہ داری ہے، تعلیم اور یوتھ قوم کی حقیقی انویسٹمنٹ ہے، دل چاہتا ہے ہر بچے کو لیپ ٹاپ ملے۔
انہوں نے کہا کہ لیپ ٹاپ اور ہونہار اسکالر شپ دیگر صوبوں کے طلبہ کا بھی حق ہے، آزاد کشمیر، گلگت بلتستان، بلوچستان اور خیبرپختونخوا سمیت دیگر صوبوں کے طلبہ بھی ہمارے بچے ہیں، میرٹ پر آنیوالا ہر بچہ اچھے کالج میں اپلائی کرے فیس ہم دیں گے۔
مریم نواز نے کہا کہ ماں کی طرح سوچتی ہوں، ہر بچے کی قسمت بدلنا چاہتے ہیں، ہونہار اسکالر شپ کیلئے جو پنجاب کا معیار ہے وہی دیگر صوبوں کے طلبہ کیلئے مقرر کیا جائے گا، طلبہ کیلئے کسی بھی اسکیم میں فنڈز کی فراہمی رکاوٹ بننے نہیں دی جائے گی۔
وزیراعلیٰ پنجاب مریم نواز شریف کی زیر صدارت تعلیم سے متعلق اجلاس میں ہائر ایجوکیشن سے متعلق بھی اہم فیصلے کئے گئے، پنجاب میں ایک روزہ وی سی کانفرنس، ٹیک ایکسپو کی منظوری بھی دی گئی۔
