چترال میں امن اور سیاحت عروج پر ہے، وادی کیلاش میں سردیوں کے روایتی کھیلوں کے مقابلوں کا شاندار انعقاد کیا گیا۔
فرنٹیئر کور نارتھ اور ونڈز ایگل پولو کلب کے باہمی اشتراک سے بمبوریٹ، وادی کیلاش میں منعقدہ روایتی کھیلوں کے مقابلوں کو دیکھنے کیلئے بڑی تعداد میں مقامی لوگوں اور سیاحوں نے شرکت کی۔
ان کھیلوں میں علاقائی کھیلوں پر مشتمل مقابلے منعقد ہوئے جن میں بُزکشی، ہارس بیک آرچری، ریسلنگ اور اسٹون تھروئنگ کے مقابلے شامل تھے، ان مقابلوں میں نوجوانوں نے بڑھ چڑھ کر حصہ لیا۔
فرنٹیئر کور نارتھ کے مقامی کمانڈر نے بطور مہمان خصوصی شرکت کی اور کھلاڑیوں میں انعامات تقسیم کئے۔
چترال کی وادیٔ کیلاش میں ہر سال اس نوعیت کے اسپورٹس فیسٹولز کا انعقاد کیا جاتا ہے، جس کیلئے چترال کے مختلف علاقوں سے نوجوان کھلاڑی بھرپور تیاری کرکے آتے ہیں۔
