بھارت نے جنوبی افریقا کو 9 وکٹوں سے شکست دیکر آئی سی سی ویمنز انڈر 19 ٹی ٹوئنٹی ورلڈ کپ جیت لیا۔
کوالالمپور میں آئی سی سی ویمنز انڈر 19 ٹی 20 ورلڈ کپ کا فائنل کھیلا گیا جس میں بھارت اور جنوبی افریقا کی ویمنز ٹیمیں مدمقابل تھیں۔
فائنل میں جنوبی افریقا نے ٹاس جیت کر پہلے بیٹنگ کرنے کا فیصلہ کیا لیکن بھارتی بولرز کے سامنے بڑا اسکور کرنے میں ناکام رہا اور پوری جنوبی افریقی ویمنز ٹیم 20 اوورز میں 82 رنز پر آؤٹ ہوگئی۔
بھارتی ویمنز ٹیم نے 83 رنز کا آسان ہدف ایک وکٹ کے نقصان پر بارہویں اوور میں حاصل کرلیا، گونگادی تریشا 44 اور سنیکا 26 رنز کے ساتھ ناقابل شکست رہیں۔
بھارتی ویمنز ٹیم نے فائنل میں جنوبی افریقا کو 9 وکٹ سے ہرا کر مسلسل دوسری بار ویمنز انڈر 19 ٹی 20 ورلڈ کپ کا ٹائٹل اپنے نام کرلیا۔
بھارتی ویمنز ٹیم نے 2023ء میں بھی آئی سی سی ویمنز انڈر 19 ٹی 20 ورلڈ کپ جیتا تھا۔
