ایف بی آر نے30 جنوری تک 800 ارب روپے سے زیادہ ٹیکس جمع کر لیا،جنوری 2025 میں 956 ارب روپے کا ٹیکس ہدف مقرر ہے۔
حکام ایف بی آر کا کہنا ہےکہ رواں ماہ کےٹیکس وصولی کے ہدف کے قریب پہنچ جائیں گے،40 سے 50 ارب ممکنہ شارٹ فال سے پریشانی کی بات نہیں،آئی ایم ایف ماہانہ نہیں،سہ ماہی بنیاد پر ٹیکس وصولی دیکھتا ہے،جولائی سے مارچ 3150 ارب روپے ٹیکس جمع کرنےکاہدف ہے،مارچ میں معاشی سرگرمیوں میں تیزی آنے سے وصولی بہتر ہوگی۔
حکام ایف بی آر کےمطابق دسمبرمیں ایف بی آر نے تاریخ میں سب سے زیادہ ٹیکس جمع کیا،دسمبر 2024 میں 1330 ارب روپے ٹیکس جمع کیا گیا،جولائی تا دسمبر 25-2024 ٹیکس ریونیو میں 384 ارب شارٹ فال رہا،مالی سال کے پہلے 6 ماہ میں 5624 ارب روپے ٹیکس اکھٹا کیا گیا،جولائی تا دسمبر 6 ہزار 8 ارب روپے ٹیکس وصولی کا ہدف مقرر تھا۔
