آئی سی سی چیمپئنز ٹرافی 2025 میں شرکت کرنے والی دو ٹیموں کی تاخیر سے آمد کے سبب افتتاحی تقریب نہ ہونے کی خبریں زیرگردش ہیں۔
کراچی میں 8 کپتانوں کی پریس کانفرنس اور پری ٹورنامنٹ فوٹو شوٹ بھی کھٹائی میں پڑتی دکھائی دے رہی ہے،میڈیا رپورٹس کےمطابق بھارتی کپتان روہت شرما بھی پریس کانفرنس کے لئےکراچی نہیں آئیں گے۔
اگرچہ افتتاحی تقریب کی باضابطہ طور پرتصدیق نہیں کی گئی تھی،لیکن اس سے پہلے رپورٹس نے اشارہ کیا تھا کہ اس پر کام جاری ہے۔
دوسری جانب پاکستان کرکٹ بورڈ کا کہنا ہے کہ افتتاحی تقریب کے منصوبوں پر اندرونی اور آئی سی سی کے ساتھ تبادلہ خیال کیا گیا تھا تاہم تفصیلات یا شیڈول کا اعلان نہیں کیا گیا۔
پاکستان اور نیوزی لینڈ کے درمیان پہلا میچ 19 فروری کو کراچی میں کھیلا جائے گا۔
