تین ملکی ون ڈے سیریز کیلئے نیوزی لینڈ 5 فروری کو جبکہ جنوبی افریقی ٹیم 7 فروری کو لاہور پہنچے گی، سیریز کا آغاز 8 فروری کو پاکستان نیوزی لینڈ میچ سے ہوگا۔
چیمپئنز ٹرافی سے قبل پاکستان میں تین ملکی ون ڈے سیریز کا آغاز 8 فروری سے ہوگا، جس کیلئے نیوزی لینڈ کی ٹیم 5 فروری جبکہ جنوبی افریقی اسکواڈ 7 فروری کو لاہور پہنچے گا۔
پی سی بی ذرائع کے مطابق پاکستان کرکٹ ٹیم 3 فروری کو ہوٹل رپورٹ کرے گی، قومی ٹیم 4 فروری کو ایل سی سی اے گراؤنڈ میں پریکٹس کرے گی۔
رپورٹ کے مطابق نیوزی لینڈ کی ٹیم 5 فروری کی صبح جبکہ جنوبی افریقی ٹیم 7 فروری کو لاہور پہنچیں گی، پاکستان اور نیوزی لینڈ کی ٹیمیں 6 فروری کو قذافی اسٹیڈیم میں پریکٹس کریں گی۔
تین ملکی سیریز کا پہلا میچ پاکستان اور نیوزی لینڈ کے درمیان 8 فروری کو ہوگا، جنوبی افریقا اور نیوزی لینڈ کے درمیان دوسرا میچ 10 فروری کو لاہور میں کھیلا جائے گا جس کے بعد تمام ٹیمیں کراچی روانہ ہوں گی۔
پاکستان اور جنوبی افریقا 12 فروری کو کراچی میں مدمقابل آئیں گی سہ فریقی ٹورنامنٹ کا فائنل 14 فروری کو نیشنل اسٹیڈیم کراچی میں کھیلا جائے گا جبکہ فائنل کیلئے کوالیفائی نہ کرنے والی ٹیم چیمپئنز ٹرافی کے وینیو پر روانہ ہوجائے گی۔
