بنگلہ دیش پریمئیر لیگ (بی پی ایل) میں واجبات کی عدم ادائیگی پر پاکستانیوں سمیت 6 غیرملکی کھلاڑیوں نے میچ کا بائیکاٹ کردیا۔
بنگلہ دیشی میڈیا کے مطابق بی پی ایل کی ٹیم دربار راجشاہی کے غیرملکی کھلاڑیوں نے واجبات کی عدم ادائیگی پر کھیلنے سے انکار کردیا۔
بی پی ایل کے رواں سیزن میں واجبات کی عدم ادائیگی کا دوسری مرتبہ تنازعہ کھڑا ہوا ہے۔
دربار راجشاہی نے رنگپور رائیڈرز کیخلاف میچ غیر ملکی کھلاڑیوں کی عدم دستیابی کے باعث تمام مقامی کھلاڑیوں کے ساتھ کھیلا۔
رپورٹ کے مطابق واجبات کی عدم ادائیگی پر بائیکاٹ کرنے والے کھلاڑیوں میں پاکستان کے محمد حارث اور آفتاب عالم شامل ہیں، جبکہ دیگر کھلاڑیوں میں لاہیرو، میکول کمنز، مارک ڈوئل اور رین برل نے بھی میچ نہیں کھیلا۔
