کراچی ایئرپورٹ پر ایمرٹس ایئر نے بڑا کارگو بزنس حب بنانے کا اعلان کردیا ہے۔
ذرائع کے مطابق نجی ائیرلائن نے کارگو ٹرمینل پر 90 ہزار فٹ جگہ مانگ لی ہے، پی آئی اے 2024ء کے دوران کراچی سے صرف 2 ہزار ٹن کارگو کا بزنس حاصل کرسکی جبکہ صرف کراچی سے 2024ء کے دوران سب سے زیادہ 27 ہزار ٹن سے زائد کارگو بزنس نجی ایئر لائن نے حاصل کیا۔
ذرائع کے مطابق کارگو بزنس کی بڑھتی طلب کے پیش نظر نجی ایئر لائن نے اپنا کارگو حب کراچی میں بنانے کا فیصلہ کیا ہے۔
نجی ایئرلائن نے کارگو کی بڑھتی ڈیمانڈ کے باعث کراچی ایئرپورٹ پر 90 ہزار فٹ کی بڑی جگہ مانگی ہے، ایئر پورٹ اتھارٹی نے نجی ایئر لائن کو کارگو ٹرمینل پر جگہ دینے کیلئے ضروری کام شروع کردیا۔
