کیریبین اسپنر جومل وریکن نے پاکستان اور ویسٹ انڈیز کے درمیان سیریز کے پہلے ٹیسٹ میچ کی دوسری اننگز میں تاریخ رقم کردی۔
ملتان میں کھیلے جارہے ٹیسٹ میچ کی دوسری اننگز میں جومل وریکن نے 7 پاکستان کھلاڑیوں کو پویلین کی راہ دکھائی، جس میں بابراعظم، محمد ہریرہ، کامران غلام، سعود شکیل، محمد رضوان، نعمان علی اور ساجد خان شامل ہیں۔
جومل وریکن ویسٹ انڈیز کے پہلے بولر بن گئے ہیں جنہوں نے پاکستان میں 5 یا اس سے زائد وکٹیں حاصل کی ہوں، اس سے قبل کوئی ویسٹ انڈین بولر یہ کارنامہ سرانجام نہیں دے سکا۔
قبل ازیں اسی ٹیسٹ میچ میں ویسٹ انڈیز نے اسپنر سے اوپننگ بولنگ کرواکر 113 سال پُرانی روایت توڑ دی تھی۔
گداکیش موتی نے پہلی بار ویسٹ انڈیز کیلئے بطور اسپنر بولنگ کا آغاز کیا، انہوں نے پہلی گیند قومی ٹیم کے کپتان شان مسعود کو کروائی اور تاریخ رقم کردی تھی۔
