چنگان کی مشہور سیڈان، السوِن، کی تمام ویریئنٹس کی قیمتوں میں بھاری اضافہ کر دیا گیاہے ۔ نئی قیمتیں یکم فروری 2025 سے نافذ العمل ہوں گی۔
قیمتوں میں اضافے کے بعد تمام ویریئنٹس کی نئی قیمتیں درج ذیل ہیں:
1.3 کمفرٹ ایم ٹی (1.3L Comfort MT) کی قیمت میں 50 ہزار روپے کا اضافہ کیا گیاہے جس کے بعد قیمت 38 لاکھ 49 ہزار روپے ہو گئی ہے جبکہ گزشتہ قیمت 37 لاکھ 99 ہزار روپے تھی ۔
1.6 کمفرٹ ڈی سی ٹی (1.5L Comfort DCT) کی قیمت میں بھی پچاس ہزار روپے اضافہ کیا گیاہے جس کے بعد نئی قیمت 43 لاکھ 99 ہزار روپے مقرر کی گئی ہے جبکہ اس سے قبل یہ گاڑی 43 لاکھ 49 ہزار روپے میں میسر تھی۔
1.5 لیومیرے ڈی سی ٹی بیج (1.5L Lumiere DCT (Beige)) کی قیمت کوئی تبدیلی نہیں کی گئی ہے جو کہ 45 لاکھ 49 ہزار روپے پر مستحکم ہے ۔
1.5 لیومیرے ڈی سی ٹی بلیک ( 1.5L Lumiere DCT (Black)) کی قیمت میں 75 ہزار روپے اضافہ کیا گیاہے جس کے بعد نئی قیمت 46 لاکھ 49 ہزار روپے ہو گئی ہے جبکہ اس سے قبل یہ گاڑی 45 لاکھ 74 ہزار روپے میں میسر تھی ۔
کمپنی کا کہناہے کہ یہ اضافہ مارکیٹ کے موجودہ حالات اور پیداواری اخراجات میں اضافے کے پیش نظر کیا گیا ہے۔ خریداروں کو ان قیمتوں کے مطابق اپنی خریداری کے فیصلے کرنے ہوں گے۔
