سابق ٹیسٹ کرکٹر عبدالرحمان کو پاکستان ٹیم کا اسپن بولنگ کوچ مقرر کر دیا گیا۔
پاکستان کرکٹ بورڈ ( پی سی بی ) کی جانب سے قومی ٹیم کے کوچنگ اسٹاف کے حوالے سے اہم فیصلہ کیا گیا ہے اور سابق ٹیسٹ کرکٹر عبدالرحمان کو اسپن بولنگ کوچ مقرر کر دیا گیا ہے۔
عبدالرحمان ویسٹ انڈیز کے خلاف سیریز سے ذمہ داریاں سنبھالیں گے اور انہوں نے ملتان میں ٹیم کو جوائن بھی کرلیا ہے۔
عبدالرحمان پاکستان کیلئے 2006 سے 2014 تک ٹیسٹ، ون ڈے اور ٹی 20 انٹرنیشنل کرکٹ کھیلے ہیں اور انہوں نے مجموعی طور پر 140 وکٹیں حاصل کیں۔
بائیں ہاتھ کے ٹیسٹ اسپنر عبدالرحمان ویمنز ٹیم کی کوچنگ بھی کرچکے ہیں۔
