نیشنل الیکٹرک پاور ریگولیٹری اتھارٹی ( نیپرا ) آئی پی پیز کو کیپسٹی پیمنٹس کی مد میں ادائیگیوں کی تفصیلات جاری کردیں۔
دستاویز کے مطابق گزشتہ مالی سال کیپسٹی پیمنٹس کی مد میں آئی پی پیز کو 1902 ارب روپے اور توانائی کی پیداواری لاگت کی مد میں 1189 ارب روپے کی ادائیگی کی گئی ہے۔
کراچی نیوکلئیر پاور کمپلیکس ون کو سب سے زیادہ 172 ارب روپے کی کیپسٹی پیمنٹ کی گئی۔
دستاویز کے مطابق تھرکول ون کو 161ارب روپے اور چائنہ پاور پلانٹ کو 136ارب روپے کی کیپسٹی پیمنٹ کی گئی جبکہ ساہیوال پاور پلانٹ کو 123ارب اور پورٹ قاسم پاور پلانٹ کو 104ارب کی کیپسٹی پیمنٹ کی گئی۔
ایک سال میں واپڈا پروجیکٹس کو 105ارب روپے کی کیپسٹی پیمنٹس کی گئیں۔
بند پڑے نیلم جہلم ہائیڈرو پاور پراجیکٹس کو بھی 16 ارب روپے کی کیپسٹی پیمنٹ کی گئی جبکہ کراچی نیوکلئیر پاور کمپلیکس کو 82 ارب ، کیروٹ ہائیڈرو کو 57 ارب ، قائداعظم تھرمل پاورپلانٹ کو 45 ارب اور اوچ ٹو پاور کو 25 ارب روپے کی کیپسٹی پیمنٹ کی گئی۔
