پاکستان کرکٹ ٹیم کے سابق فاسٹ باؤلر عمر گل نے کہا ہے کہ ورلڈکپ کے دوران بھارتی کنڈیشن میں باؤلرز کو بہادری کے ساتھ آگے چلنا ہوگا۔
ورلڈ کپ ہو یا کوئی اور ایونٹ پاکستان کرکٹ کے ساتھ بے یقینی کی صورتحال جڑی رہتی ہے تاہم، قومی ٹیم کے سابق فاسٹ باؤلر عمر گل نے قومی باؤلرز کو انٹرنیشنل کرکٹ کونسل ( آئی سی سی ) ورلڈ کپ کے دوران اہم مشورے دیئے ہیں۔
سابق فاسٹ باؤلر کا کہنا تھا کہ بے یقینی کی صورتحال ماضی میں بھی پاکستان کرکٹ ٹیم کے ساتھ جڑی رہی اور شاید یہ ہمارا خاصہ ہے، تاہم ، امید ہے ٹیم فائنل فور میں ہوگی۔
عمر گل کا کہنا تھا کہ ایونٹ میں رہنا ہے تو جیتنا ضروری ہے اور بھارتی کنڈیشن میں باؤلرز کو بہادری کے ساتھ کھیلنا ہوگا۔
انہوں نے مزید کہا کہ نسیم شاہ کے نہ ہونے سے باؤلنگ کمبینیشن پرفرق پڑا ہے۔
