الیکشن کمیشن آف پاکستان نے سینیٹر سیف اللہ ابڑو کی نااہلی کا ریفرنس مسترد کردیا۔ سیف اللہ ابڑو سینیٹ میں ٹیکنوکریٹ کی نشت پرسینیٹر ہیں۔
الیکشن کمیشن نے شہادت اعوان کی شکایت پرمحفوظ سنا دیا، الیکشن کمیشن نے سینیٹر سیف اللہ ابڑو کی نااہلی کا ریفرنس مسترد کردیا۔
چیئرمین سینیٹ نےسیف اللہ ابڑو کی نااہلی سے متعلق ریفرنس الیکشن کمیشن کوبھیجا، 7 جنوری کو جنوری کوفریقن کے دلائل مکمل ہونے پر الیکشن کمیشن نے فیصلہ محفوظ کیا تھا۔
الیکشن کمیشن میں پی ٹی آئی کے سینیٹر سیف اللہ ابڑو کی نااہلی کے ریفرنس پرچیف الیکشن کمشنر کی سربراہی میں تین رکنی بینچ نے سماعت کی۔ سیف اللہ ابڑو کے وکیل نے عدالت کو بتایا کہ ان کے مؤکل انجینئر ہیں اور 1991 میں انجینئرنگ کی ڈگری حاصل کرنے کے بعد 2007 تک سرکاری ملازمت بھی کرتے رہے۔
وکیل نے دعویٰ کیا کہ سیف اللہ ابڑو کے پاس ٹیکنوکریٹ نشست کے لیے درکار 20 سال سے زائد کا تجربہ موجود ہے اور انہوں نے ملتان میٹرو بس سمیت دیگر منصوبے مکمل کیے۔انہوں نے 2007 سے 2021 تک اپنے پروجیکٹس کا سب سے زیادہ ٹیکس دیا اور اُن کی ڈگریوں کی تصدیق ایچ ای سی بھی کرچکا ہے۔
شکایت کنندہ شہادت اعوان کے وکیل نے دلائل دیتے ہوئے کہا کہ صرف پل یا سڑک بنانے سے کوئی ٹیکنوکریٹ نہیں بن سکتا۔ انہوں نے کہا کہ سیف اللہ ابڑو نے منصوبے بطور کنٹریکٹر مکمل کیے اور قومی یا بین الاقوامی سطح پر کسی بھی قابل ذکر اعزاز کے حامل نہیں ہیں۔
ممبر سندھ نے شہادت اعوان سے استفسار کیا کہ انجینئرنگ کے میدان میں اچیومنٹ کیا ہو سکتی ہے؟ ۔جس پر شکایت کنندہ نے کہا کہ اگر کوئی نئی ایجاد کی گئی ہو تو یہی کامیابی سمجھی جا سکتی ہے۔ الیکشن کمیشن نے کیس کی کارروائی مکمل کرتے ہوئے فیصلہ محفوظ کیا تھا جسے آج سنا کر سینیٹر سیف اللہ ابڑو کی نااہلی کا ریفرنس مسترد کردیا۔
