بھارت میں جاری کرکٹ ورلڈ کپ 2023 کے 19 ویں میچ میں سری لنکانے پہلی کامیابی سمیٹ لی۔
لکھنو کے سٹیڈیم میں کھیل کے دوران سری لنکا نے نیدرلینڈز کو5وکٹوں سے ہرادیا،263رنز کا ہدف سری لنکا نے48.2 اوورز میں حاصل کیا۔
سری لنکا اننگز:۔
ہدف کے تعاقب میں سری لنکن اوپنر کوشل پریرا 5 جبکہ کپتان کوشل مینڈس بھی 11 رنز بنا کر آئوٹ ہوگئے، پاتھم نسانکا 54 رنز بناکر پویلین لوٹ گئے، سدیرا سماراویکراما 23 رنز بناکر کریز پر موجود رہےسدیراسمارا وکراما91رنز کے ساتھ نمایاں رہے۔نیدرلینڈز کی جانب سے آرین دت نے 2 جبکہ پال وین میکرن نے ایک وکٹ شکار کی۔
نیدرلینڈز اننگز:۔
نیدرلینڈز کر کرکٹ ٹیم مقررہ 50 اوورز بھی پورے نہ کھیل سکی ،اور 49.4 اوورز میں 10 وکٹوں کے نقصان پرصرف 262 رنز بنائے۔ اوپنرز اچھا آغاز فراہم کرنے میں ناکام رہے، اوپنر وکرم جیت سنگھ 7 اور میکس او ڈاؤڈ نے 16 رنز بنا کر پویلین کی رہ لی۔
اسی طرح کولن ایکرمین نے کچھ مزاحمت کرنے کی کوشش کی تاہم 26 کے انفرادی اسکور پر آئوٹ ہوگئے۔ جبکہ دیگر کھلاڑیوں میں باس ڈی لیڈز 6، تیجا ندامانورو 9، کپتان اسکاٹ ایڈورڈز 16، روئیلوف وین ڈیر مروے 7 رنز بناکر پویلین لوٹ گئے۔
ہالینڈ کی کی جانب سے سائبرینڈ اینجلبرچٹ اور لوگن وین بیک نے 130 رنز کی پارنٹرشپ قائم کی تاہم سائبرینڈ 70 رنز بناکر آؤٹ ہوئے جبکہ وین بیک 59 رنز بناسکے۔
اس سے قبل نیدرلینڈز کرکٹ ٹیم کے کپتان اسکاٹ ایڈورڈز نے ٹاس جیت کر پہلے بیٹنگ کرنے کا فیصلہ کیا، انہوں نے کہا کوشش ہوگی آئی لینڈرز کو شکست دیکر ایک اور اَپ سیٹ کریں۔
ٹاس کے بعد سری لنکن کپتان کوشل مینڈس نے کہنا تھا کہ ٹورنامنٹ میں پہلی جیت کے متلاشی ہیں کوشش ہوگی کہ نیدرلینڈز کو بڑے مارجن سے شکست دیں۔
سری لنکن سکواڈ
سرین لنکن سکواڈ میں کپتان کوشل مینڈس پاتھم نسانکا، کوشل پریرا، سدیرا سماراویکراما، چرتھ اسالنکا، دھننجایا ڈی سلوا، دشن ہیمانتھا، چمیکا کرونارتنے، مہیش تھیکشنا اور دلشان مدوشنکا شامل تھے۔
نیدر لینڈز سکواڈ
نیدر لینڈز سکواڈ کی ٹیم میں کپتان اسکاٹ ایڈورڈز، وکرمجیت سنگھ، میکس او ڈاؤڈ، کولن ایکرمین، باس ڈی لیڈز، تیجا ندامانورو، سائبرینڈ اینجلبرچٹ، روئیلوف وین ڈیر مروے، لوگن وین بیک، آرین دت، پال وین میکرن شامل تھے۔
