چیئرمین پی سی بی محسن نقوی کا بیٹر صائم ایوب کے علاج کیلئے بڑا اقدام، صائم ایوب اور اسسٹنٹ کوچ اظہر محمود کیپ ٹاون سے لندن کیلئے روانہ ہوگے۔
چیئرمین پی سی بی محسن نقوی کی ہدایت پر انگلینڈ کے ماہر اسپورٹس آرتھو ڈاکٹرز کل صائم ایوب کا چیک اپ کریں گے۔ انہوں نے کہا کہ صائم ایوب پاکستان کرکٹ کا قیمتی اثاثہ ہیں، صائم ایوب کے علاج معالجے کیلئے ہر ممکن وسائل فراہم کئے جائیں گے۔
چیئرمین پی سی بی کا کہنا ہے کہ صائم ایوب کی مکمل صحت یابی کیلئے دعا گو ہوں، صائم کی صحت کے حوالے سے مسلسل ڈاکٹرز کے ساتھ رابطے میں ہوں۔
صائم ایوب جنوبی افریقا کیخلاف دوسرے ٹیسٹ کے پہلے روز فیلڈنگ کرتے ہوئے انجری کا شکار ہوگئے تھے، انہوں نے دونوں اننگز میں بیٹنگ بھی نہیں کی۔
