مسلم لیگ ( ن ) کے رہنما اور سابق وفاقی وزیر مرتضیٰ جاوید عباسی نے کہا ہے کہ نواز شریف کا پاکستان پہنچنے پر تاریخی استقبال ہوگا۔
ایبٹ آباد سے لاہور روانگی سے قبل میڈیا سے گفتگو کرتے ہوئے مرتضیٰ جاوید عباسی کا کہنا تھا کہ قائد مسلم لیگ ( ن ) نواز شریف کا وطن واپسی پر تاریخی استقبال ہوگا۔
لیگی رہنما کا کہنا تھا کہ ہزارہ سے ہزاروں افراد نواز شریف کے استقبال کے لئے لاہور جا رہے ہیں۔
یاد رہے کہ سابق وزیر اعظم اور مسلم لیگ ن کے قائد نواز شریف خود ساختہ جلا وطنی کے بعد آج وطن واپس پہنچ رہے ہیں۔
یہ بھی پڑھیں۔ ہم 9 مئی والے نہیں 28 مئی والے ہیں، نواز شریف
پاکستان واپسی سے قبل دبئی ایئرپورٹ پر صحافیوں سے گفتگو کرتے ہوئے سابق وزیر نواز شریف کا کہنا تھا کہ آج چار سال بعد پاکستان جا رہا ہوں، پاکستان کے حالات دیکھ کر دل بہت اداس ہے، 2017 کے مقابلے میں حالات بہتر نہیں ہیں جس سے بہت دکھ ہوتا ہے۔
یہ بھی پڑھیں۔ نواز شریف وطن واپسی کے لئے دبئی ایئرپورٹ پہنچ گئے
ایئرپورٹ پر میڈیا سے گفتگو کے دوران سانحہ 9 مئی کے حوالے سے ایک سوال کے جواب میں سابق وزیر اعظم کا کہنا تھا کہ ’ ہم 9 مئی والے نہیں 28 مئی والے ہیں‘۔
