پاکستان تحریک انصاف کےرہنما اورسابق اسپیکر قومی اسمبلی اسدقیصرکو پشاورہائیکورٹ نے 30 جنوری تک راہداری ضمانت دے دی،پشاورہائیکورٹ نےاسد قیصرکو متعقلہ عدالتوں میں پیش ہونے کا حکم دے دیا۔
پشاور ہائیکورٹ کےجسٹس کامران حیات میاں خیل نےاسدقیصرکی درخواستوں کی سماعت کی۔وکیل درخواست گزار نےاستدعا کی کہ سابق اسپیکراسد قیصر نے تین مقدمات میں راہداری ضمانت کی درخواستیں دائر کیں ۔
گیارہ مقدمات میں راہداری ضمانت پہلےہی مل چکی ہے،مقدمات زیادہ میں اس لئے راہدری ضمانت میں زیادہ وقت دیا جائے تاکہ کیسوں کی سماعت کی جا سکے۔
عدالت نےسابق اسپیکر کو تیس جنوری تک راہداری ضمانت دیتے ہوئے ہدایت کی کہ وہ متعلقہ عدالتوں میں پیش ہوں۔
