وزیراعلیٰ سندھ مراد علی شاہ نے سجاول کی حدود میں دو غیرملکی سیاحوں سے لوٹ مار کا نوٹس لے لیا۔
وزیراعلیٰ سندھ مراد علی شاہ نےکہا کہ اس قسم کے واقعات ملک کی بدنامی کا باعث بنتے ہیں ۔ سجاول پولیس فوری سیاحوں کے ساتھ رابطہ کرکے انکو اپنی فیملیز کے ساتھ رابطے کے لئے عارضی طور پر موبائل فون فراہم کرے۔
مراد علی شاہ نےکہا کہ سیاح ہمارے مہمان ہیں،ان کے ساتھ اس قسم کا رویہ کسی صورت برداشت نہیں کیا جائے گا ۔ ایس ایس پی سجاول نے بریفنگ میں بتایا کہ ٹیکنالوجی کی مدد سے ڈکیت تک پہنچ گئے ہیں ۔ آٹھ مشکوک لوگ گرفتار کیے ہیں جن سے تفتیش جاری ہے ۔ جلد موبائل لوٹنے والوں کو گرفتار کر کے سی ایم سیکریٹریٹ کو آگاہی کیا جائے گا۔
ایس ایس پی سجاول نے وزیراعلیٰ سیکریٹریٹ کو بتایا کہ میں نے دونوں غیر ملکی سیاحوں سے ملاقات کی ہے۔ صرف موبائل فون چھینے گئے ہیں ۔ نقد رقم یا نقصان نہیں پہنچا ۔ سی سی ٹی وی کی مدد سے موبائل لوٹنے والوں تک رسائی کی کوشش کررہے ہیں
