سال 2024 اپنے اختتام پر ہے اور اس دوران کرکٹ کے میدانوں میں بننے والے ریکارڈ ز شائقین کی توجہ کا مرکز رہے لیکن آج ہم آپ کو رواں سال سب سے زیادہ چھکے لگانے والے کھلاڑیوں کا بتائیں گے جن میں قومی ٹیم کے صائم ایوب اور محمد رضوان بھی شامل ہیں ۔
تفصیلات کے مطابق متحدہ عرب امارات کے کھلاڑی محمد وسیم نے ایک سال میں چھکے لگانے کا ریکارڈ قائم کر ڈالا انہوں نے 37 میچز میں سب سے زیادہ 61 چھکے لگاتے ہوئے 37 میچز میں 1110 رنز بنائے تاہم چوکوں کی تعداد ان کی صرف 83 رہی۔
دوسرے نمبر پر آسٹریلیا کے ٹراویس ہیڈ ہیں جنہوں نے 52 چھکوں اور 162 چوکوں کی مدد سے 29 میچز میں 52 چھکے لگائے اور 162 چوکے لگاتے ہوئے 1398 رنز بنائے ۔
تیسری پوزیشن بھارت کے یشوی جیسوال کی ہے جنہوں نے 52 چھکے لگاتے ہوئے 23 اننگز میں 1687 رنز بنائے لیکن ان کے چوکوں کی تعداد یقینی طور پر حیران کر دینے والی 192 ہے ۔
چوتھا نمبر ہانگ کانگ کے بابر حیات کا ہے جنہوں نے رواں سال 50 چھکے اور 31 چوکے لگائے ۔
چھٹی پوزیشن پر افغانستان کے رحمان اللہ گرباز ہیں جو کہ 50 چھکوں اور 87 چوکوں کے ساتھ اس فہرست میں جگہ بنانے میں کامیاب ہوئے ۔
ساتویں نمبر پر متحدہ عر ب امارات کے آصف خان ہیں جنہوں نے 27 میچوں میں 46 چھکے اور 51 چوکے لگاتے ہوئے کیریئر میں اہم سنگ میل کو عبور کیا ۔
آٹھویں پوزیشن پر امریکہ کے اینڈریز گوس ہیں جنہوں نے 28 میچوں میں 44 چھکے اور 79 چوکے لگائے ۔
نویں نمبر پر جاپانی کھلاڑی کینڈل کاڈوکی-فلیمنگ بھی جگہ بنائے بیٹھے ہیں جہنوں نے 43 چھکے اور 67 چوکے لگائے ۔
دسویں نمبر پر ویسٹ انڈیز کے رتھرفورڈ ہیں جنہوں نے 43 چھکے اور 50 چوکے لگا کر اس فہرست میں جگہ بنائی ۔
سب سے زیادہ چھکے لگانے کی فہرست میں پاکستان کے صائم ایوب نے بھی جگہ بنائی وہ 37 چھکوں اور 144 چوکوں کے ساتھ 16 ویں نمبر پر ہیں ۔
قومی ٹیم کے کپتان محمد رضوان اس فہرست میں 21 ویں پوزیشن پر براجمان ہیں ، انہوں نے 35 چھکے اور 108 چوکے لگائے ۔
