سیکیورٹی فورسز نے لکی مروت میں خفیہ آپریشن کے دوران 4 دہشت گردوں کو ہلاک کردیا، ایک دہشت گرد زخمی حالت میں گرفتار کرلیا گیا۔
ترجمان پاک فوج کے مطابق لکی مروت میں سیکیورٹی فورسز نے خفیہ اطلاعات پر آپریشن کیا، کارروائی کے دوران فائرنگ کے تبادلے میں 4 دہشت گرد ہلاک ہوگئے، ایک تخریب کار کو زخمی حالت میں گرفتار کرلیا گیا۔
آئی ایس پی آر کا کہنا ہے کہ دہشت گرد ٹارگٹ کلنگ اور شہریوں پر حملوں میں ملوث تھے، دہشتگردوں سے اسلحہ، بارودی مواد و دیگر آلات بھی برآمد ہوئے ہیں۔
گزشتہ روز جنوبی اور شمالی وزیرستان میں پاک فوج کے ساتھ جھڑپوں میں 6 دہشت گرد ہلاک ہوگئے تھے جبکہ فائرنگ کے تبادلے میں 4 سیکیورٹی اہلکار بھی شہید ہوئے تھے۔
