کور کمانڈر کراچی لیفٹیننٹ جنرل بابر افتخار نے قائد اعظم محمد علی جناح کو خراج تحسین پیش کیا ہے۔
ملک بھر میں آج بابائے قوم محمد علی جناح کا 148 واں یوم پیدائش منایا گیا اور کراچی میں مزار قائد پر گارڈز تبدیلی کی پُروقار تقریب ہوئی جبکہ بانی پاکستان کو خراج عقیدت پیش کرنے کیلئے شہر شہر تقریبات کا انعقاد بھی کیا گیا۔
کور کمانڈر کراچی لیفٹیننٹ جنرل بابر افتخار نے بھی بانی پاکستان قائد اعظم محمد علی جناح کے یوم پیدائش کے موقع پر مزار قائد پر حاضری دی اور پھول چڑھائے۔
کور کمانڈر کراچی نے مزار قائد پر پھولوں کی چادر چڑھانے کے بعد فاتحہ خوانی کی۔
لیفٹیننٹ جنرل بابر افتخار نے مہمانوں کی کتاب میں اپنے تاثرات بھی درج کیے اور قائداعظم کو ان کی خدمات پر زبردست خراج تحسین پیش کیا۔
