سماجی رابطے کے پلیٹ فارم ایکس کے مالک ایلون مسک نے پلیٹ فارم میں دو نئے سبسکرپشن پروگرام متعارف کرانے کا اعلان کیا ہے۔
جمعہ کو ایکس پر جاری کردہ اپنے ایک پیغام میں ایلون مسک نے بتایا کہ ’’ پلیٹ فارم میں بہت جلد دو نئے پریمئیم سبسکرپشن پروگرامز کو لانچ کیا جائے گا ‘‘۔
Two new tiers of X Premium subscriptions launching soon.
— Elon Musk (@elonmusk) October 20, 2023
One is lower cost with all features, but no reduction in ads, and the other is more expensive, but has no ads.
مسک نے کہا کہ ایک پروگرام کی قیمت موجودہ پروگرام سے کم ہوگی جس میں تمام فیچرز شامل ہوں گے تاہم، اشتہارات میں کمی نہیں ہوگی جبکہ دوسرا مہنگا ہوگا لیکن اس میں اشتہارات نہیں ہوں گے۔
یاد رہے کہ ایکس پریمیئم سبسکرپشن پلان کے تحت صارفین سے ماہانہ 8 ڈالرز فیس وصول کی جا رہی ہے۔
خیال رہے کہ ایلون مسک کی جانب سے نئے پروگرامز کی قیمتوں یا انکی لانچنگ کی تاریخ کے حوالے سے کوئی تفصیلات نہیں بتائی گئیں۔
