انگلینڈ کرکٹ ٹیم کے کپتان بین اسٹوکس کو انجری کے باعث عارضی طور پر کرکٹ سے باہر کر دیا گیا۔
انگلش کرکٹ بورڈ ( ای سی بی ) کے مطابق نیوزی لینڈ کیخلاف آخری ٹیسٹ کے تیسرے روز ہیمسٹرنگ انجری کا شکار ہونے کے بعد بین اسٹوکس عارضی طور پر کھیل سے باہر ہوگئے ہیں۔
ای سی بی کے مطابق اسٹوکس کی بائیں ہیمسٹرنگ پھٹ گئی ہے جس کی سرجری جنوری میں ہوگی اور 3 ماہ کے بعد ان کا دوبارہ طبی معائنہ ہوگا اور تب تک وہ ہر طرح کی کرکٹ سے الگ رہیں گے۔
یاد رہے کہ انگلینڈ کی جانب سے چیمپئنز ٹرافی 2025 کے اسکواڈ کا اعلان کر دیا گیا ہے اور بین اسٹوکس کو اسکواڈ کا حصہ نہیں بنایا گیا ۔
علاوہ ازیں بین اسٹوکس 2025 میں ہونے والی ہنڈریڈ لیگ میں بھی شریک نہیں ہو سکیں گے۔
