سعودی عرب نے افغانستان میں اپنا سفارتخانہ دوبارہ کھول دیا۔
عرب میڈیا کے مطابق مشن نے کابل میں سفارتی سرگرمیاں بحال کردی ہیں۔ اگست 2021 میں سعودی عرب نے سنگین حالات کےباعث مشن واپس بلالیا تھا۔
سفارتخانے کی جانب سے سوشل میڈیا سائٹ ’ایکس‘ پر پوسٹ میں کہا گیا کہ برادر افغان عوام کو تمام خدمات فراہم کرنے کی حکومت سعودی عرب کی خواہش کی بنیاد پر، 22 دسمبر سے کابل میں سلطنت کے مشن کی سرگرمیاں دوبارہ شروع کرنے کا فیصلہ کیا گیا ہے۔
سعودی وزارت خارجہ نے کابل میں سعودی نمائندگی کی سطح کے بارے میں تبصرہ کرنے کی درخواست کا فوری طور پر جواب نہیں دیا۔
واضح رہے کہ رواں ماہ کے شروع میں روس نے افغانستان میں طالبان کی حکومت کو تسلیم کرنے کی جانب اس وقت ایک قدم آگے بڑھایا جب اس کی پارلیمنٹ نے ایک قانون کی منظوری دی جس سے طالبان کو ماسکو کی کالعدم دہشت گرد تنظیموں کی فہرست سے نکالنا ممکن ہو سکے گا تاہم طالبان کی حکومت کو اب تک کسی بھی ملک نے باضابطہ طور پر تسلیم نہیں کیا ہے۔
