چیمپینز ٹرافی میں بھارت کے میچز کے لیے یو اے ای کو نیوٹرل وینیو بنانے کا فیصلہ کرلیا گیا۔
تفصیلات کے مطابق چیئرمین پی سی بی محسن نقوی کی یو اے ای بورڈ کے سربراہ شیخ نیہاں المبارک سے ملاقات ہوئی ہے۔ ملاقات گزشتہ شب گھوٹکی میں شیخ نیہاں کے خصوصی خیمے میں ہوئی۔
شیخ نہیان مبارک النہیان اور محسن نقوی کی ملاقات میں نیوٹرل وینیو کا معاملہ طے پاگیا۔ چیمپینز ٹرافی میں بھارت کے میچز کےلئے دبئی کو فائنل کر لیا گیا۔
واضح رہے کہ انٹرنیشنل کرکٹ کونسل (آئی سی سی) نے بھارت اور پاکستان کے آئی سی سی میچز کے لیے نیوٹرل وینیو کی تصدیق کر دی گئی تھی۔
آئی سی سی اعلامیے کے مطابق پاکستان اور بھارت آئندہ 3 سال تک ایک دوسرے کے ملک میں نہیں کھیلیں گے۔ چیمپئنز ٹرافی پاکستان اور نیوٹرل وینیو پر کھیلی جائے گی۔ چیمپئنز ٹرافی کا شیڈول جلد جاری کیا جائے گا۔
