چیئرمین پی سی بی محسن نقوی کا کہنا ہے کہ چیمپینز ٹرافی کے حوالے سے تاحال کوئی حتمی فیصلہ نہیں ہوسکا۔ کچھ گھنٹوں میں چیمپئنز ٹرافی کا اعلان ہوجانا چاہیے۔
چیئرمین پی سی بی محسن نقوی نے قذافی سٹیڈیم کا دورہ کیا جہاں انہوں نے جاری اپ گریڈیشن کے کام کا جائزہ لیا۔ چیئرمین پی سی بی نے قذافی سٹیڈیم کے انکلوژرز سے گراؤنڈ کا ویو بھی دیکھا۔ محسن نقوی نے کہا کہ قذافی سٹیڈیم اب گریڈ ہونے کے بعد شائقین کرکٹ کو میچ کے دوران بہترین ویو ملے گا۔
چیئرمین پی سی بی نے کہا کہ چیمپینز ٹرافی کے حوالے سے تاحال کوئی حتمی فیصلہ نہیں ہو سکا، چیمپینز ٹرافی کے حوالے سے جو بھی ہوگا پاکستان کے لیے بہتر ہوگا، چیمپیئنز ٹرافی کے حوالے سے فیوژن ماڈل کے وینیو پر بھی تاحال کوئی فیصلہ نہیں ہوا۔ جلد اچھی خبر آئے گی۔
محسن نقوی نے کہا کہ چیمپینز ٹرافی کے حوالے سے ائی سی سی سے تمام چیزیں بہت جلد طے ہو جائیں گی، جس کے بعد ائی سی سی بہت جلد چیمپینز ٹرافی کے شیڈول کا اعلان کر دے گا۔
