ملک میں سیاسی تبدیلی کےساتھ پی ٹی آئی کے ڈی جے نے بھی یوٹرن لےلیا۔اوراب ڈی جے ولی سنزاورڈی جے قیصر ندیم گڈو اب ن لیگ کیلئے کام کریں گے۔
تفصیلات کے مطابق تحریک انصاف کے سیاسی رہنمائوں کی طرح ان کے ڈی جے ولی سنزاورڈی جے قیصر ندیم گڈو نے بھی عمران خان ساتھ چھوڑ دیا، اور یہ ڈی جیز اب مسلم لیگ ن کے جلسوں میں عوام کا لہو گرمائیں گے۔
دونوں ڈی جیزمسلم لیگ ن کے21 اکتوبرکےجلسے کونغموں سے سجائیں گے جبکہ اڈیالہ جیل کا گانا بنانے والے ڈی جے گڈو نے نواز شریف کیلئے نغمہ تیارکرلیا ۔جس کے بول “امید سے یقین تک پاک سرزمین تک “ترقی کا ہے رازمیاں نواز “” ہیں۔
دونوں ڈی جے ولی سنز اور ڈی جے قیصر ندیم گڈو نے مسلم لیگ ن کے قائد نواز شریف کی آمد پر مینار پاکستان لاہور کی جلسہ گاہ میں 10 بکروں کا صدقہ دیا۔
