مستحکم معیشت کی خاطر ملک بھر میں ستمبر 2023 سے اسمگلنگ کے خلاف شروع کیا گیا کریک ڈاؤن بدستور جاری ہے۔
سرکاری اعداد وشمار کے مطابق گزشتہ ہفتے حکومتی اداروں کا ملک بھر سے 806 سگریٹ کے سٹاکس جبکہ 0.10 میٹرک ٹن چینی برآمد کرلیے گئے۔ 530 کپڑے کے تھان اور 0.085 ملین لیٹر ایرانی تیل بھی برآمد کرلیا گیا۔
یکم ستمبر 2023 سے اب تک ملک بھر سے 13471.5 میٹرک ٹن کھاد اور 3789.63 میٹرک ٹن آٹا، 35134.61 میٹرک ٹن چینی جبکہ 43 لاکھ 98 ہزار 4 سو 90 سگریٹ کے سٹاکس برآمد ہوئے۔
زیرجائزہ عرصے کے دوران مجموعی طور پر ایک لاکھ 57 ہزار سے زائد کپڑے کے تھان اور 18.58 ملین لیٹر ایرانی تیل برآمد کیے گئے۔
