سینیٹ کا اجلاس آج شام ساڑھے 4 بجے ہوگا۔ 15 نکاتی ایجنڈا جاری کردیا گیا۔
سینیٹ اجلاس میں وقفہ سوالات کے علاوہ مختلف قائمہ کمیٹیوں کی رپورٹس پیش کی جائیں گی۔ نیشنل فرانزک ایجنسی بل 2024 سے متعلق قائمہ کمیٹی کی رپورٹ بھی ایجنڈے میں شامل ہے۔
اجرت کی ادائیگی ترمیمی بل 2024 اوراسلام آباد کرایہ پر پابندی ترمیمی بل سے متعلق قائمہ کمیٹی کی رپورٹس بھی پیش کی جائیں گی۔ لیگل ایڈ اینڈ جسٹس اتھارٹی ترمیمی بل، سپریم کورٹ نمبر آف ججز ترمیمی بل سےمتعلق کمیٹی رپورٹس کے ساتھ قومی اقتصادی کونسل کی سالانہ رپورٹ بھی سینیٹ میں پیش ہوگی۔
صدرمملکت کے پارلیمنٹ کے مشترکہ اجلاس سے خطاب پربحث بھی ایجنڈے کا حصہ ہے۔
