مخصوص نشستوں کی الاٹمنٹ اور خیبرپختونخوا میں سینیٹ انتخابات سے متعلق الیکشن کمیشن کا اہم اجلاس کل طلب کر لیا گیا۔
منگل کو صبح ساڑھے گیارہ بجے بلائے گئے اجلاس میں چیف الیکشن کمشنر ۔ ممبران اور دیگر متعلقہ حکام شریک ہوں گے ۔ اس حوالے سے متعلقہ ونگز کو ہدایات جاری کردی گئی ہیں۔ الیکشن کمیشن کے اہم اجلاس میں خیبرپختونخوا میں سینیٹ انتخابات کے انعقاد سے متعلق غور کیا جائے گا۔
مخصوص نشستوں کی الاٹمنٹ کا معاملہ بھی ایجنڈے میں شامل ہے۔ اجلاس میں پشاور ہائیکورٹ میں سینیٹ الیکشنز سے متعلق سماعت پر بھی غور ہوگا ۔ الیکشن کمیشن لا ونگ عدالتی احکامات سے متعلق آگاہ کرے گا جبکہ الیکشنز ونگ انتخابی تیاریوں اور رکاوٹوں سے متعلقبریفنگ دے گا۔
