آپریشن غضب للحق کے تحت پاک افواج کی افغانستان میں مؤثر فضائی کارروائیاں جاری ہیں۔ متعدد دہشت گرد ٹھکانوں اور فوجی تنصیبات کو تباہ کر دیا گیا۔
سیکیورٹی ذرائع کے مطابق پاک افواج نے 12 اور 13 مارچ کی درمیانی شب افغانستان میں فضائی کارروائیاں کرتے ہوئے افغان طالبان اور فتنہ الخوارج کے 4 ٹھکانوں کو کامیابی سے نشانہ بنایا۔ کارروائی کے دوران کابل میں تھری ون تھری کور کے انفرااسٹرکچر کو تباہ کر دیا گیا۔
سیکیورٹی ذرائع کے مطابق صوبہ قندھار میں تراوو دہشت گرد کیمپ کو بھی کامیابی سے نشانہ بنایا گیا۔ فضائی حملوں کے دوران قندھار ایئر فیلڈ کی آئل اسٹوریج سائٹ اور اس سے ملحقہ لاجسٹک اانفراسٹرکچر تباہ کر دیا گیا۔
صوبہ پکتیا میں شیرناؤ دہشت گرد کیمپ پر بھی فضائی حملہ کیا گیا۔ سیکیورٹی ذرائع کے مطابق آپریشن غضب للحق کے تحت کارروائیاں اپنے اہداف کے حصول تک جاری رہیں گی۔
