جوڈیشل کمیشن کا 14 دسمبر کو شیڈول اجلاس مؤخر کردیا گیا۔
چیف جسٹس آف پاکستان جسٹس یحییٰ آفریدی نے جوڈیشل کمیشن کا 14 دسمبر کو شیڈول اجلاس مؤخر کردیا، اجلاس میں لاہور اور بلوچستان ہائیکورٹ میں ایڈیشنل ججز کے ناموں پر غور ہونا تھا۔
جوڈیشل کمیشن کا اجلاس 6 دسمبر کے فیصلوں کی روشنی میں مؤخر کیا گیا، مذکورہ جالاس میں اجلاس میں کمیشن نے ججز تعیناتی 21 دسمبر تک مؤخر کی تھی۔
واضح رہے کہ 6 دسمبر کو چیف جسٹس پاکستان کی زیرصدارت جوڈیشل کمیشن کے اجلاس میں چھبیسویں آئینی ترمیم کے خلاف درخواستوں کا تفصیلی تذکرہ ہوا، چیف جسٹس اور اکثریتی ارکان نے قرار دیا کہ درخواستوں کی سماعت کے تعین کا اختیار آئینی کمیٹی کے پاس ہے۔ جوڈیشل کمیشن نے ہائیکورٹس میں ججزکی نامزدگیاں 21 دسمبر تک مؤخر کر دیں۔
اعلامیہ کے مطابق جسٹس شاہد بلال حسن کو ملٹری کورٹس کیس کیلئے سپریم کورٹ آئینی بینچ کے رکن مقرر کرنے کی منظوری دیدی گئی ہے جبکہ ججز کی تعیناتی کے قواعد بنانے کیلئے جسٹس جمال مندو خیل کی سربراہی میں پانچ رکنی کمیٹی تشکیل دیدی گئی ہے جس میں اٹارنی جنرل منصور عثمان ، بیرسٹر علی ظفر ، فاروق ایچ نائیک اور اختر حسین شامل ہیں ۔ کمیٹی 15 دسمبر تک رولز کا مسودہ تیار کرے گی۔
