ٹوڈ گرین برگ کو کرکٹ آسٹریلیا (سی اے )کا چیف ایگزیکٹو آفیسر مقرر کر دیا گیا ہے۔ وہ موجودہ سی ای او نک ہاکلے کی جگہ ذمہ داریاں سنبھالیں گے۔
ٹوڈ گرین برگ نے اس موقع پرکہاہے کہ میں شکر گزار ہوں کہ مجھے آسٹریلوی کھیل میں اس انتہائی اہم کردار کو نبھانے اور اس کھیل کے ساتھ اپنی شمولیت کو آگے بڑھانے کا موقع فراہم کیا گیا ہے جسے میں بچپن سے پسند کرتا ہوں۔
انہوں نے کہا کہ یہ کرکٹ کے لیے ایک انتہائی پرجوش وقت ہے جس میں دنیا بھر میں کھیل کی تیز رفتار ترقی کے ساتھ شاندار مواقع پیدا ہوتے ہیں، جبکہ اس بات کو یقینی بنانے کے لیے کچھ چیلنجز بھی پیش کیے جا رہے ہیں کہ آسٹریلوی کرکٹ کھیل کے انتہائی عروج پر اپنی پوزیشن کو برقرار رکھے۔ٹوڈ گرین برگ نیشنل رگبی لیگ ، کینٹر بری اور بینک ٹاؤن بلڈوگس کے ساتھ کام کر چکے ہیں ، اس کے علاوہ ٹوڈ گرین برگ سٹیڈیم آسٹریلیا کے جنرل منیجر اور حال ہی میں آسٹریلین کرکٹرز ایسوسی ایشن کے سی ای او کے طور پر بھی خدمات انجام دے چکے ہیں،موجودہ انتظامیہ میں عمدہ کام کی بدولت ان کو مزید اہم کردار کے لئے چنا گیا ہے ۔
ٹوڈ گرین برگ نے کہا ہے کہ میں اس بات کو یقینی بنانا چاہتا ہوں کہ ہم آسٹریلیا کرکٹ جس رفتار کے ساتھ کام کو جاری رکھے ہوئے ہے اس کو برقرار رکھیں تاکہ آسٹریلوی کرکٹ مزید ترقی کرے،میں کرکٹ کی بہتری کے لیے ان تعلقات کو جاری رکھنے اور مزید تقویت دینے کا منتظر ہوں۔این ایس ڈبلیو پریمیئر کرکٹ میں رینڈوک کے لیے پہلے درجے کی کرکٹ کھیلنے کے بعد اور اس کے بعد کرکٹ این ایس ڈبلیو کے لیے ایونٹس اور پروموشنز مینیجر کے طور پر خدمات انجام دینے کے بعد، ٹوڈ گرین برگ نے این ایس ڈبلیو یونیورسٹی سے سپورٹس سائنس میں ڈگریاں اور یونیورسٹی آف ٹیکنالوجی، سڈنی سے ماسٹرز کی ڈگری حاصل کی۔
