ڈیڈ لائن ختم ہونے کے باوجود غیررجسٹرڈ وی پی اینز کو فوری طور پر بند نہ کرنے کا فیصلہ کیا گیا ہے۔
تفصیلات کے مطابق وی پی این کی رجسٹریشن کی تاریخ میں توسیع کرنے یا نہ کرنے کا فیصلہ نہ ہوسکا تاہم ڈیڈ لائن ختم ہونے کے باوجود غیررجسٹرڈ وی پی اینز کو فوری طور پر بند نہ کرنے کا فیصلہ کیا گیا ہے۔
ذرائع پی ٹی اے کے مطابق ڈیڈ لائن گزرنے کے باوجود وی پی اینز کی رجسٹریشن جاری رہے گی، غیر رجسٹرڈ وی پی اینز کے حوالے سے آئندہ ہفتے فیصلہ متوقع ہے۔ وزارت داخلہ کی جانب سے تحریری ہدایات ملنے کے بعد فیصلہ ہوگا۔ پی ٹی اے کو غیر رجسٹرڈ وی پی اینز کے حوالے سے وزارت داخلہ کی ہدایات کا انتظار ہے۔
خیال رہے کہ پی ٹی اے نے وی پی اینز کی رجسٹریشن کیلئے 30 نومبر کی ڈیڈ لائن مقرر کی تھی تاہم آئی ٹی انڈسٹری،فری لانسرز اور دیگر اسٹیک ہولڈرز نے تاریخ میں توسیع کا مطالبہ کررکھا ہے۔
