انسداد دہشگردی ڈیپارٹمنٹ ( سی ٹی ڈی ) نے پنجاب کے مختلف اضلاع میں کارروائیوں کے دوران 9 دہشتگردوں کو گرفتار کر لیا۔
حکام کے مطابق سی ٹی ڈی نے لاہور کے سرحدی گاؤں میں بڑی کارروائی کے دوران کالعدم دہشتگرد تنظیم داعش کے 2 اہم کمانڈروں کو گرفتار کیا جن کی شناخت امین اور وقار کے نام سے ہوئی۔
حکام نے بتایا کہ گرفتار دہشتگرد صوبائی دارالحکومت کی حساس تنصیبات کو نشانہ بنانا چاہتے تھے۔
سی ٹی ڈی نے دیگر شہروں راولپنڈی، فیصل آباد، ننکانہ صاحب، رحیم یار خان اور شیخوپورہ میں بھی کارروائیاں کیں جن کے دوران 7 دہشگردوں کا گرفتار کیا گیا ہے۔
حکام کے مطابق گرفتار دہشتگردوں کے قبضے سے بارودی مواد، موبائل فون ، اسلحہ اور نقدی بھی برآمد کی گئی۔
حکام نے بتایا کہ گرفتار دہشتگروں کے نیٹ ورکس بیک وقت میں تمام شہروں میں کارروائی کرنا چاہتے تھے، ان کے خلاف مقدمات درج کر کے تفتیش کا آغاز کر دیا گیا ہے۔
