لاہور قلندرز نے گلوبل سپر لیگ کے لیے اسکواڈ کا اعلان کردیا۔
گلوبل سپر لیگ کے لیے پاکستانی آل راؤنڈر فہیم اشرف لاہور قلندرز کے اسکواڈ کا حصہ بن گئے ہیں جبکہ قلندرز کے پلیئر ڈیولپمنٹ پروگرام کے 4 کھلاڑی بھی اسکواڈ میں شامل ہیں۔
جنوبی افریقہ کے اسپنر تبریز شمسی اور ویسٹ انڈیز کے کارلوس بریتھویٹ غیر ملکی کھلاڑیوں میں شامل جبکہ انگلینڈ کے سابق کرکٹر ڈیرن گف پہلی بار لاہور قلندرز کے ہیڈ کوچ کے طور پر ذمہ داریاں نبھائیں گے۔
فہیم اشرف، تبریز شمسی، کارلوس بریتھویٹ، عارف یعقوب، محمد اخلاق، اور مرزا طاہر بیگ قلندرز کے اسکواڈ کا حصہ ہیں جبکہ اسکواڈ میں غیر ملکی کھلاڑی ایڈم روسنگٹن، لیوک ویلز اور ٹام ایبل بھی شامل ہیں۔
قلندرز کے پلیئر ڈیولپمنٹ پروگرام سے سلمان مرزا، محمد فیضان اور طیب عباس اسکواڈ میں شامل ہیں۔
قلندرز کے کوچنگ اسٹاف میں ہیڈ کوچ ڈیرن گف، بیٹنگ کوچ امجد علی اور بولنگ کوچ کاشف رضا شامل ہیں۔
فاروق انور بطور مینیجر اور وصیف خالد پرفارمنس مینیجر قلندرز کے ساتھ ہوں گے۔
