آسٹریلیا نے دوسرے ٹی ٹوینٹی میچ میں پاکستان کو 13 رنز سے شکست دیتے ہوئے سیریز جیت لی ہے لیکن اس کے باوجود کپتان محمد رضوان نے ٹیم کی کوشش کو سراہا ہے ۔
تفصیلات کے مطابق قومی ٹیم کے کپتان محمد رضوان نے میچ کے بعد گفتگو کرتے ہوئے کہا کہ اگر ہم مثبت پہلو کو دیکھیں تو ہمارے باولرز نے آج شاندار کارکردگی کا مظاہرہ کیاہے ، ہمیں معلوم ہے کہ اگر چانسز دیں گے تو پھر آسٹریلیا کوئی آسان ٹیم نہیں ہے ، ہمارے تمام باولرز نے اچھی گیند بازی کی ہے ، میں اپنے آپ کو ویسے ہی تیار کرتاہوں جس طرح کی کنڈیشنز ہوتی ہیں ۔
یاد رہے کہ آسٹریلیا نے پاکستان کو جیت کیلئے 148 رنز کا ہدف دیا تھا جس کے تعاقب میں پاکستان کی پوری ٹیم 134 رنز بن کر آوٹ ہو گئی جس میں عثمان خان نے نصف سینچری بنائی جبکہ عرفان 37 رنز کے ساتھ ناقابل شکست رہے ۔
